Sual-Cavab

İnsanların böyük əksəriyyəti üçün dərinin durumu əsasən hormonlardan və genetikadan asılıdır. Ancaq bəzi akne (sızanaq) olan insanlarda süd məhsulları və rafinə olunmuş şəkərə qarşı həssaslıq ola bilər. Müəyyən bir pəhriz yalnız təyin edilmiş müalicənin bir hissəsi ola bilər və onu tamamilə əvəz edə bilməz.

Nəmləndiricidəki SPF faktoru günəş kremində olduğu kimi eynidir. Əsas problem odur ki, nəmləndiricinin tərkibi yuyulmaya daha az davamlıdır və o, günəş kremindən daha nazik təbəqə ilə çəkilməlidir. Məhz bu səbəbdən onlar eyni səviyyədə qorunma təmin edə bilməzlər. Həmçinin SPF-li nəmləndiricilər dərini UVA-dan (ultrabənövşəyi şüa) kifayət qədər qorumaya bilər. SPF faktorlu kremlerin tətbiqi əsasən ləkərin yaranmasına və fotoyaşlanmaya qarşı yönəlibdi.

Bir qayda olaraq artıq 30 yaşdan yuxarı olan insanlar hesab edirlər ki, bu prosedura başlamaq üçün doğru vaxtdır. Lakin söhbət yaşdan deyil, dərinin necə qocalmasından gedir. Bu genetikadan, eləcə də günəşdə nə qədər vaxt keçirdiyinizdən, qidalanma və yuxu rejimi kimi müxtəlif faktorlardan asılıdır. Ancaq bəzi insanlarda (məsələn 18-22 yaş və.s insanlarda) alın əzələsi aktiv olarsa alında mimik qırışlar yarana bilər , bu da botoks üçün bir başa göstərişdir.

Güclü mimik qırışları yumşaltmaq və üzdəki gərginliyi aradan qaldırmaq üçün tətbiq olunan botoks mütəxəssis tərəfindən vurularsa üzün donma və mimikanın itməsi kimi hallarla qarşılaşmayacaqsız və bu da botoksu təbiiliyin göstəricisi olacaq.

Krioterapiya soyuq ilə müalicə anlamını verir. Soyuq ilə müalicə üçün maye azotdan istifadə olunur. Maye azot (-170-190) dərəcəyə çatan bir maddədir. Mənfi 190 dərəcədə heç bir insan hüceyrəsi canlı qala bilmir. Krioterapiya ilə maye azot dərinin problemli nahiyyəsinə tətbiq olunur və bu zaman istənilməyən toxuma məhv edilir. Bir çox dəri xəstəlikləri maye azotla müalicə edilir: ət xalı ,papilloma,  kondiloma, ziyillər və digər dəri törəmələri maye azotla dondurularaq ləğv edilir.

Bu problem dərinin lazerlə cilalanması, mikronidlinq, müxtəlif növ pilinq, separasiya və mikrocərrahiyə üsulları ilə aradan qaldırılır.

Akne (sızanaqlar) bir çox amillərdən qaynaqlanır. Dəridə hormonların təsiri ilə normal yağ ifrazı həddindən artıq artır, ölü dəri hüceyrələri tökülmür və tük köklərini bağlayır , nəticədə sızanaq (akne) əmələ gəlir.

Plazmaliftinq – pasiyentin öz qanından alınan və trombositlərlə zənginləşdirilən plazmanın dəriyə yeridilməsidir. Prosedurdan sonra xırda qırışlar itir, dərinin rəngi və elastikliyi yaxşılaşır, eyni zamanda post akne (sızanaq) ləkələrin azalmasına səbəb olur.

Akne (sızanaq) xəstəliyində ən çox rast gəlinən bakteriyalar propionibacterium acne və Staphylococcous aureus-dur.

Vaxt itirmədən dermatoloqa müaricət olunsa və həkimin təyin etdiyi müalicəyə düzgün əməl edilsə Akne (sızanaq) xəstəliyindən tam azad olmaq mümkündür.

Müalicə müddəti aknenin (sızanaqların) ağırlıq dərəcəsindən asılı olaraq 3-6 ay arasında dəyişir.

Elmə məlum olan bütün xəstəliklər kimi akne vulgaris (sızanaq xəstəliyi) də təkrarlana bilər. Buna görə də müalicədən sonrakı dövrdə həkimin tövsiyələrinə riayət etmək və vaxtaşırı qulluq prosedurlarına gəlmək və ev şəraitində isə yağlılıq əleyhinə yuyucu vasitələrdən istifadə tövsiyə olunur.